Sérsveitin fær nýjan bát

Sérsveit ríkislögreglustjóra hefur tekið í notkun nýjan bát að gerðinni Humber en báturinn kemur frá Bretlandi. Þetta kemur fram í frétt á vef lögreglunnar.

Báturinn var fluttur inn af GG Sjósport sem mun þjónusta hann fyrir sérsveitina. Nýi báturinn leysir af hólmi 12 ára gamlan bát sveitarinnar.

Fram kemur í fréttinni að báturinn muni nýtast vel í lögregluverkefni á landsvísu og köfurum sérsveitarinnar vel við æfingar og köfunarverkefni sem upp koma.

Humber er harðbotna slöngubátur og því með mun betri sjóhæfni en sá eldri. Hann er vel búinn tækjum og farnar verða eftirlitsferðir á honum í sumar út frá Reykjavíkurhöfn.