Vélarvana bátur dreginn til hafnar

Björgunarsveitin Berserkir frá Stykkishólmi var kölluð út um sjö leytið, vegna vélarvana báts sem staddur var við Langeyjar. Samkvæmt tilkynningu frá Landsbjörgu var ekki talin mikil hætta á ferðum fyrir skipverjann, sem var einn í bátnum, því veður á svæðinu var mjög gott.

Harðbotna björgunarbáturinn Guðfinna Sigurðardóttir tók bilaða bátinn í tog. Hann er þó um sjö tonn, sem er heldur mikið fyrir léttan björgunarbát, en stærri fiskibátur kom einnig til aðstoðar dregur nú bátinn til hafnar í Stykkishólmi.