Umfjöllun: Austurríki - Ísland 1-1 | Kolbeinn tryggði Íslandi jafntefli í Innsbruck Tómas Þór Þórðarson skrifar 30. maí 2014 16:09 Kolbeinn Sigþórsson skoraði sitt 14. landsliðsmark í kvöld. Vísir/afp Strákarnir okkar í íslenska landsliðinu í fótbolta gerðu jafntefli, 1-1, við Austurríki í vináttulandsleik sem fram fór á Tívolí-vellinum í Innsbruck í kvöld. Niðurstaðan var sanngjörn enda íslenska liðið ekki að spila vel í fyrri hálfleik. Austurríkismenn réðu lögum og lofum í fyrri hálfleik. Þeir héldu boltanum vel og byggðu upp sóknir af þolinmæði. Boltinn fór mikið í gegnum Marko Arnautovic, leikmann Stoke, á vinstri kantinum sem átti eftir að vera hættulegur allan leikinn.Marcel Sabitzer átti dauðafæri fyrir heimamenn strax á sjöundu mínútu en hann skallaði þá boltann framhjá eftir fyrirgjöf Arnautovic. Okkar menn heppnir að lenda ekki strax undir. Austurríki pressaði íslenska liðið framarlega og gerði varnarmönnum okkar erfitt fyrir. Lítil tenging var á milli varnar og miðju sem gerði það að verkum að varnarmennirnir þurftu að sparka hátt og langt. Þá bolta unnu Austurríkismenn og hófu aftur sóknaruppbyggingu. Vitað var að íslenska liðið myndi sakna Gylfa Þórs Sigurðssonar en mikilvægi hans var líklega undirstrikað í þessum leik. Þegar boltinn komst inn á miðju tapaðist hann nánast um leið. Aron Einar og Emil áttu mjög erfitt uppdráttar í fyrri hálfleik. Aron - líkt og alla íslenska liðið - var mun betri í seinni hálfleik. Fyrirliðinn komst verulega í takt við leikinn síðustu 25 mínúturnar þar sem hann vann þýðingarmikla varnarvinnu og skilaði boltanum betur frá sér. Það var eftir pressu Austurríkis sem heimamenn skoruðu fyrsta markið. Fyrirliðinn Aron Einar kom sér í erfiða stöðu úti á hægri kantinum og missti boltann frá sér í tvígang. KáriÁrnason kom út úr vörninni til að hjálpa honum og tæklaði boltann burt, en beint á leikmann Austurríkis. Þar með var vörnin galopin og fékk miðjumaðurinn Marcel Sabitzer sendingu inn fyrir og kláraði hann færið sitt ágætlega framhjá Hannesi Þór Halldórssyni í markinu. Hann hitti boltann illa en í netið fór knötturinn. Framherjar íslenska liðsins sáust varla í fyrri hálfleik en þeir náðu sitthvoru skotinu á markið. Kolbeinn skaut í varnarmann eftir skemmtilegan einleik og þá fór Viðar Örn Kjartansson illa með gott færi eftir mistök austurrísku varnarinnar. Seinni hálfleikurinn gat ekki byrjað betur hjá íslenska liðinu. Kolbeinn Sigþórsson skallaði knöttinn í netið eftir 50 sekúndur eftir glæsilega aukaspyrnu Ara Freys Skúlasonar. Bakvörðurinn kórónaði flottan leik sinn með þessari stoðsendingu. Kolbeinn var þarna að skora sitt 14. landsliðsmark í 22 landsleikjum, hreint ótrúlegur árangur. Hann er nú í þriðja sæti yfir markahæstu landsliðsmenn Íslands frá upphafi ásamt þeim ArnóriGuðjohnsen og Ríkharði Daðasyni. Aðeins RíkharðurJónsson (17 mörk) og Eiður Smári Guðjohnsen (24 mörk) hafa skorað meira. Landsliðsþjálfararnir geta verið mun sáttari við seinni hálfleikinn því þar var allt annað að sjá íslenska liðið. Viljinn var meiri sem og krafturinn og þá gekk miklu betur að spila boltanum á milli manna. Færin voru þó af skornum skammti en í heildina náði Ísland aðeins tveimur skotum á markið. Austurríki sótti meira og átti nokkur fín skot en Hannes Þór stóð vaktina með miklum sóma í kvöld. Hann gat lítið gert í marki heimamanna en varði allt annað sem kom á rammann. Kolbeinn Sigþórsson var, eins og svo oft áður, erfiður viðureignar í framlínunni en þeir Viðar Örn Kjartansson, og Jón Daði Böðvarsson sem leysti hann af í framlínunni, náðu ekki að nýta sér kraftinn í markahróknum nægilega vel. Viðar Örn skilaði fínum klukkutíma en Jón Daði komst aldrei almennilega í takt við leikinn. Eftir tvo tapleiki fyrr á árinu var gott fyrir strákana að ná allavega „stigi“ á útivelli þó um vináttuleik hafi verið að ræða. Þetta er eitthvað til að byggja á fyrir undankeppnina EM sem hefst í haust. Næst mætir Ísland landsliði Eista á Laugardalsvelli 4. júní. Fótbolti Íslenski boltinn Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Féllu á meðan þjálfarinn sem þeir ráku hélt Blackburn uppi Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Fengu myndsímtal frá Ed Sheeran í búningsklefanum Enski boltinn Sú markahæsta með tár á hvarmi er hún tilkynnti brotthvarf sitt frá Chelsea Enski boltinn Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn Dagskráin í dag: Sófasunnudagur af bestu gerð Sport Fleiri fréttir Messi með ótrúlegt stoðsendingmet í MLS deildinni í nótt Fengu myndsímtal frá Ed Sheeran í búningsklefanum Segir að móðurhlutverkið hafi gert sig að betri leikmanni Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Sjá meira
Strákarnir okkar í íslenska landsliðinu í fótbolta gerðu jafntefli, 1-1, við Austurríki í vináttulandsleik sem fram fór á Tívolí-vellinum í Innsbruck í kvöld. Niðurstaðan var sanngjörn enda íslenska liðið ekki að spila vel í fyrri hálfleik. Austurríkismenn réðu lögum og lofum í fyrri hálfleik. Þeir héldu boltanum vel og byggðu upp sóknir af þolinmæði. Boltinn fór mikið í gegnum Marko Arnautovic, leikmann Stoke, á vinstri kantinum sem átti eftir að vera hættulegur allan leikinn.Marcel Sabitzer átti dauðafæri fyrir heimamenn strax á sjöundu mínútu en hann skallaði þá boltann framhjá eftir fyrirgjöf Arnautovic. Okkar menn heppnir að lenda ekki strax undir. Austurríki pressaði íslenska liðið framarlega og gerði varnarmönnum okkar erfitt fyrir. Lítil tenging var á milli varnar og miðju sem gerði það að verkum að varnarmennirnir þurftu að sparka hátt og langt. Þá bolta unnu Austurríkismenn og hófu aftur sóknaruppbyggingu. Vitað var að íslenska liðið myndi sakna Gylfa Þórs Sigurðssonar en mikilvægi hans var líklega undirstrikað í þessum leik. Þegar boltinn komst inn á miðju tapaðist hann nánast um leið. Aron Einar og Emil áttu mjög erfitt uppdráttar í fyrri hálfleik. Aron - líkt og alla íslenska liðið - var mun betri í seinni hálfleik. Fyrirliðinn komst verulega í takt við leikinn síðustu 25 mínúturnar þar sem hann vann þýðingarmikla varnarvinnu og skilaði boltanum betur frá sér. Það var eftir pressu Austurríkis sem heimamenn skoruðu fyrsta markið. Fyrirliðinn Aron Einar kom sér í erfiða stöðu úti á hægri kantinum og missti boltann frá sér í tvígang. KáriÁrnason kom út úr vörninni til að hjálpa honum og tæklaði boltann burt, en beint á leikmann Austurríkis. Þar með var vörnin galopin og fékk miðjumaðurinn Marcel Sabitzer sendingu inn fyrir og kláraði hann færið sitt ágætlega framhjá Hannesi Þór Halldórssyni í markinu. Hann hitti boltann illa en í netið fór knötturinn. Framherjar íslenska liðsins sáust varla í fyrri hálfleik en þeir náðu sitthvoru skotinu á markið. Kolbeinn skaut í varnarmann eftir skemmtilegan einleik og þá fór Viðar Örn Kjartansson illa með gott færi eftir mistök austurrísku varnarinnar. Seinni hálfleikurinn gat ekki byrjað betur hjá íslenska liðinu. Kolbeinn Sigþórsson skallaði knöttinn í netið eftir 50 sekúndur eftir glæsilega aukaspyrnu Ara Freys Skúlasonar. Bakvörðurinn kórónaði flottan leik sinn með þessari stoðsendingu. Kolbeinn var þarna að skora sitt 14. landsliðsmark í 22 landsleikjum, hreint ótrúlegur árangur. Hann er nú í þriðja sæti yfir markahæstu landsliðsmenn Íslands frá upphafi ásamt þeim ArnóriGuðjohnsen og Ríkharði Daðasyni. Aðeins RíkharðurJónsson (17 mörk) og Eiður Smári Guðjohnsen (24 mörk) hafa skorað meira. Landsliðsþjálfararnir geta verið mun sáttari við seinni hálfleikinn því þar var allt annað að sjá íslenska liðið. Viljinn var meiri sem og krafturinn og þá gekk miklu betur að spila boltanum á milli manna. Færin voru þó af skornum skammti en í heildina náði Ísland aðeins tveimur skotum á markið. Austurríki sótti meira og átti nokkur fín skot en Hannes Þór stóð vaktina með miklum sóma í kvöld. Hann gat lítið gert í marki heimamanna en varði allt annað sem kom á rammann. Kolbeinn Sigþórsson var, eins og svo oft áður, erfiður viðureignar í framlínunni en þeir Viðar Örn Kjartansson, og Jón Daði Böðvarsson sem leysti hann af í framlínunni, náðu ekki að nýta sér kraftinn í markahróknum nægilega vel. Viðar Örn skilaði fínum klukkutíma en Jón Daði komst aldrei almennilega í takt við leikinn. Eftir tvo tapleiki fyrr á árinu var gott fyrir strákana að ná allavega „stigi“ á útivelli þó um vináttuleik hafi verið að ræða. Þetta er eitthvað til að byggja á fyrir undankeppnina EM sem hefst í haust. Næst mætir Ísland landsliði Eista á Laugardalsvelli 4. júní.
Fótbolti Íslenski boltinn Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Féllu á meðan þjálfarinn sem þeir ráku hélt Blackburn uppi Enski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti Fengu myndsímtal frá Ed Sheeran í búningsklefanum Enski boltinn Sú markahæsta með tár á hvarmi er hún tilkynnti brotthvarf sitt frá Chelsea Enski boltinn Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn Dagskráin í dag: Sófasunnudagur af bestu gerð Sport Fleiri fréttir Messi með ótrúlegt stoðsendingmet í MLS deildinni í nótt Fengu myndsímtal frá Ed Sheeran í búningsklefanum Segir að móðurhlutverkið hafi gert sig að betri leikmanni Féllu á meðan þjálfarinn sem þeir ráku hélt Blackburn uppi Sú markahæsta með tár á hvarmi er hún tilkynnti brotthvarf sitt frá Chelsea Enginn náð í fleiri stig en McKenna síðan hann tók við Ipswich „Við þurfum níu stig til að vinna titilinn“ Girona í fyrsta sinn í Meistaradeild Evrópu og tryggði Real í leiðinni titilinn Skoraði fernu og Englandsmeistararnir halda í við Skytturnar „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Kristín Dís og Þórdís fögnuðu sigri en það gekk illa hjá Halmstad strákunum Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð Arteta segir að Gabriel Jesus sé ekki á förum í sumar Með sjö í þremur: „Kannski margir sem afskrifa mann en mér finnst ég eiga nóg eftir“ Clattenburg hættur og segist hafa verið skotmark sérfræðinga Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Sjá meira