Boðað verður til verkfalls háskólakennara

Stjórn félags háskólakennara hefur boðað til verkfalls en þetta staðfesti Jörundur Guðmundsson, formaður félags háskólakennara, í samtali við fréttastofu.

Takist ekki að semja við ríkið mun verkfallið fara fram á tímabilinu 25. apríl til 10. maí á lögbundnum próftíma.

Félag háskólakennara fundaði fyrir hádegi dag við ríkið í húsnæði ríkissáttasemjara en þeim fundi er nú lokið.

Kennarar við Háskóla Íslands samþykktu verkfall í mars. 502 kennarar sögðu já við verkfalli í atkvæðagreiðslu en nei sögðu 104. 920 manns voru á kjörskrá og 606 manns kusu í atkvæðagreiðslunni.