Persónuvernd segir of stuttan tíma hafa liðið

Persónuvernd telur að lengri tími hefði þurft að líða frá því Íslensk erfðagreining (ÍE) sendi gögn tengd söfnuninni „Útkall í þágu vísinda“ og þangað til söfnun lífsýna hófst.

Þetta kemur fram í bréfi sem Persónuvernd sendi ÍE og birti á heimasíðu sinni í gær.

Þar segir að söfnunin hafi ekki fengið sérstakt leyfi frá Persónuvernd, eins og segir í kynningarbæklingi ÍE.

„Enda er hún ekki háð slíku leyfi frá stofnuninni ef hún byggist á upplýstu samþykki þátttakenda,“ segir í bréfi Persónuverndar.