Celtic aftur slegið út úr Meistaradeildinni

Celtic var eitt af fimm liðum sem féllu út úr Meistaradeildinni í kvöld en liðið tapaði þá 0-1 á heimavelli á móti Maribor frá Slóveníu.

Liðin fimm sem tryggðu sér sæti í riðlakeppni Meistaradeildarinnar voru rússneska liðið Zenit frá Sanktí Pétursborg, APOEL frá Kýpur,  BATE Borisov frá Hvíta-Rússlandi, Maribor frá Slóveníu og Porto frá Portúgal.  Fimm bætast síðan í hópinn á morgun.

Celtic-menn voru þarna slegnir aftur út úr Meistaradeildinni en pólska liðið Legia frá Varsjá hafði áður unnið skoska liðið í síðustu umferð. Eftir leikinn kom síðan upp Pólverjarnir hefðu notað ólöglegan leikmann og Celtic fékk því annað tækifæri til að komast inn í Meistaradeildina þriðja árið í röð.

Celtic var í ágætri stöðu fyrir kvöldið eftir 1-1 jafntefli í Slóveníu en Morales Tavares tryggði gestunum 1-0 sigur á 75. Mínútu og um leið sæti í riðlakeppni Meistaradeildarinnar.

Yacine Brahimi og Jackson Martínez tryggði Porto 2-0 sigur á franska liðinu Lille en portúgalska liðið fór þar með áfram 3-0 samanlagt.

Zenit, APOEL og BATE Borisov unnu öll stóra heimasigra og flugu áfram úr sínum viðureignum.



Úrslit í umspilsleikjum kvöldsins:

Zenit - Standard Liege    3-0 (samanlagt 4-0)

APOEL - AaB    4-0 (samanlagt 5-1)

BATE Borisov - Slovan Bratislava    3-0 (samanlagt 4-1)

Porto - Lille    2-0 (samanlagt 3-0)

Celtic - Maribor    0-1  (samanlagt 1-2)