Rændu símunum af tveimur fimmtán ára drengjum

Tvö ofbeldisrán voru framin á höfuðborgarsvæðinu í gærkvöldi og í nótt. Fyrst réðust ungir menn að tveimur 15 ára piltum  í skólahúsnæði í austurborginni klukkan hálf tíu í gærkvöldi, ógnuðu þeim með eggvopni og rændu þá farsímum og fleiri verðmætum, en piltana sakaði ekki. Ræningjarnir eru ófundnir.

Þá kom starfsmaður hótels í miððborginni að manni, sem hafði laumast inn í veitingasalinn, en þar er líka bar. Óboðni gesturinn ógnaði honum með eggvopni og hafði á brott með sér skiptimynt og áfengi. Starfsmaðurinn reyndi ekki að yfirbuga ræningjann og sakaði ekki. Ræninginn er ófundinn.