"Ekki lengur á tali hjá vini okkar"

Hátt í þúsund manns voru viðstaddir útför Hermanns Gunnarssonar sem gerð var út frá Hallgrímskirkju í dag og um tvö hundruð manns fylgdust með útförinni á skjá í Valsheimilinu.

Séra Pálmi Matthíasson jarðsöng og sagði hann meðal annars að ekki væri lengur á tali hjá vini okkar. Hemmi hefði haft þrjá menn að geyma, Hemma, Hemma Gunn og Hermann Gunnarsson.

Erfidrykkjan fór fram í Valsheimilinu að Hlíaðrenda. Hemmi Gunn var bráðkvaddur 4. júní síðastliðinn, sextíu og sex ára að aldri. Nánar verður fjallað um útförina í kvöldfréttum okkar klukkan hálf sjö.

Í myndasafninu hér að ofan er hægt að skoða myndir frá útförinni.