Innlent

Forsætisnefnd Alþingis kærir Reykjavíkurborg útaf Landsímareitnum

Höskuldur Kári Schram skrifar
Forsætisnefnd Alþingis hefur kært Reykjavíkurborg útaf deiliskipulagi á Landsímareit við Austurvöll til úrskurðarnefndar umverfis- og auðlindamála.

Í kærunni er Reykjavíkurborg sögð brjóta gegn 36. grein stjórnarskrárinnar þar sem segir að Alþingi sé friðheilagt og engin megi raska frið þess né frelsi. Einar K. Guðfinnsson, forseti Alþingis, staðfesti þetta í samtali við Vísi en hann segir að yfirgnæfandi meirihluti forsætisnefndar hafi samþykkt að kæra málið. „Við teljum margt aðfinnsluvert við þetta deiliskipulag og teljum að það þrengi verulega að starfsemi Alþingis,“ sagði Einar.

Ásta Ragnheiður Jóhannesdóttir, fyrrverandi forseti Alþingis, gerði einnig athugasemdir við deiliskipulagið á síðasta kjörtímabili en m.a. er gert ráð fyrir því að Landsímahúsinu verði breytt í hótel.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.