Spáin: FH verður Íslandsmeistari

Stórveldið á Íslandi á þessari öld er án nokkurs vafa FH. Sex Íslandsmeistaratitlar á níu árum segja sína sögu. Bikarafhending er orðin að hefð í Kaplakrika.

Markvarðarstaðan er stærsta spurningamerki FH-inga sem sakna einnig Bjarka Gunnlaugssonar sem er hættur. Tveir sterkir leikmenn eru komnir auk þess sem Ólafur Páll Snorrason er klár eftir meiðsli.

Titillinn er FH-inga að tapa og annarra að sækja.

Stjarnan: Atli Guðnason

Besti leikmaður mótsins á árið 2009 og 2012 og markakóngur síðustu leiktíðar á sér fáa líka. Hann lætur verkin á vellinum tala sínu máli og þau bera honum góða sögu. Skorar mörk og leggur upp. Með Atla í formi er útlitið gott hjá FH.

Þjálfarinn:

Heimir Guðjónsson er 44 ára gamall og á sínu sjötta tímabili með liðið en þetta er hans fyrsta þjálfarastarf. Á að baki fimm tímabil sem þjálfari í efstu deild (110 leikir, 72 sigrar, 71 prósent) og hefur gert FH þrisvar að Íslandsmeisturum.

Nýju andlitin:

Daði Lárusson frá Haukum

Dominic Furness frá Tindastóli

Ingimundur Níels Óskarsson frá Fylki

Patrik Snær Atlason frá Víkingi R.

Samuel Tillen frá Fram

Fylgstu með þessum:

Kristján Gauti Emilsson  – aðeins tvítugur en gæti verið lykilmaður í sumar

Hvað er langt síðan?

... liðið vann sinn fyrsta Íslandsmeistaratitil - 9 ár

... liðið varð ekki meðal tveggja efstu - 11 ár

... liðið féll úr deildinni - 18 ár  

... Freyr Bjarnason klæddist fyrst FH-búningnum - 13 ár

... liðið spilaði ekki Evrópuleik á tímabilinu - 10 ár

... liðið átti efnilegasta leikmann deildarinnar - 6 ár

Einkunnaspjaldið

Vörnin 4/5

Sóknin 4/5

Þjálfarinn 5/5

Breiddin 5/5

Íslandsmeistari: 6 (síðast 2012)    

Bikarmeistari: 2 (síðast 2010)