Spáin: Víkingur Ó. hafnar í 12. sæti

Íþróttadeild Vísis og Fréttablaðsins spáir í spilin fyrir Pepsi-deild karla sem hefst þann 5. maí næstkomandi. Yfirferðin hefst á tólfta og neðsta sæti deildarinnar en við spáum nýliðum Víkings frá Ólafsvík því sæti.

Ólsarar bíða spenntir eftir sumrinu enda eiga þeir í fyrsta skipti lið í efstu deild karla. Víkingur hafnaði í öðru sæti 1. deildar síðastliðið sumar og ríkir mikil eftirvænting hjá Ólsurum sem hafa verið duglegir að mæta á leiki liðsins á undirbúningstímabilinu.

Víkingum hefur gengið illa að styrkja leikmannahóp sinn fyrir átökin á meðal þeirra bestu. Þokkalegir leikmenn eru mættir í Víkina en enginn þeirra hefur almennilega reynslu af efstu deild hér á landi. Liðið missti auk þess sinn besta mann í fyrra, Edin Besilja, til Þórs sem einnig er nýliði í deildinni.

Byrjunin ræður ævinlega miklu um möguleika nýliða og heimavöllurinn þarf að vera vígi ætli Víkingar að blása á spána.

Stjarnan: Guðmundur Steinn Hafsteinsson

Reiknað er með því að Guðmundur Steinn beri uppi sóknarleik liðsins. Markahæsti leikmaður 1. deildar í fyrra hefur verið iðinn við kolann á undirbúningstímabilinu og mikil pressa er á herðum framherjans.

Þjálfarinn

Ejub Purisevic er 45 ára gamall sem er á sínu fjórða tímabili með Víkinga. Hann þjálfaði liðið einnig frá 2003 til 2008. Á að baki eitt tímabil í efstu deild en hann þjálfaði Val sumarið 2001 (18 leikir, 5 sigrar, 35 prósent).

Nýju andlitin

Eyþór Helgi Birgisson (ÍBV)

Farid Zato (HK)

Jernej Leskovar (Slóveníu)

Kaspars Ikstens (Lettland)

Fylgstu með þessum



Steinar Már Ragnarsson – tvíburabróðir Þorsteins Más sem leikur nú með KR.

Hvað er langt síðan ...

… liðið spilað í C-deild – 3 ár

… komst í undanúrslit bikarsins – 3 ár 

… spilaði í neðstu deild – 10 ár

… Vesturland átti tvö lið í efstu deild – 16 ár

… fyrsta tímabil Ejub Purisevic í Ólafsvík – 10 ár

Einkunnaspjaldið

Vörnin 1/5

Sóknin 1/5

Þjálfarinn 2/5

Breiddin 1/5

Íslandsmeistari: Aldrei

Bikarmeistari: Aldrei