James spilaði ekki vegna veikinda

David James gat ekki spilað með ÍBV gegn Portsmouth í kvöld þar sem hann hefur verið veikur síðustu daga.

Þetta sagði hann á Twitter-síðu sinni í kvöld þar sem hann birti einnig meðfylgjandi mynd.

Hann sagði að stemningin á Fratton Park, heimavelli Porstmouth, hafi verið frábær í kvöld en heimamenn unnu þar 2-1 sigur.

Hermann spilaði með báðum liðum í kvöld og var svo valinn maður leiksins. 6780 áhorfendur mættu á leikinn og styrktu þar með félagið sem hefur átt í miklum fjárhagsvandræðum síðustu misseri.