Tvær konur skipaðar í Héraðsdóm Reykjavíkur

Kristrún Kristinsdóttir, lögfræðingur við embætti landlæknis, og Barbara Björnsdóttir, settur héraðsdómari, hafa verið skipaðar í embætti héraðsdómara með fast sæti við Héraðsdóm Reykjavíkur. Embættin tvö voru auglýst laus til umsóknar þann 30. janúar síðastliðinn.

Niðurstaða dómnefndar sem mat hæfni umsækjenda var sú að Kristrún Kristinsdóttir sé hæfust umsækjenda til að hljóta skipun. Barbara Björnsdóttir, settur héraðsdómari, og Þórður Cl. Þórðarson, hæstaréttarlögmaður og bæjarlögmaður Kópavogs, voru metin næsthæfust til að gegna embætti héraðsdómara og er ekki gert upp á milli hæfni þeirra tveggja til þess.

Niðurstaða innanríkisráðherra var sú að skipa Kristrúnu Kristinsdóttur og Barböru Björnsdóttur í embættin.