Ástfangin af Kennedy

Söngkonan Taylor Swift er komin með nýjan kærasta upp á arminn og heitir sá heppni Conor Kennedy. Kennedy þessi er sonur Roberts Kennedy Jr. sem er bróðursonur Johns F. Kennedy.

„Fólk hefur varað Taylor við að Kennedy-karlmennirnir séu miklir daðrarar og að hún ætti að forðast að leggja lag sitt við þá. En Taylor skellir skollaeyrum við viðvörunum fólks og segir Conor vera með hjarta úr gulli,“ var haft eftir innanbúðarmanni.

Swift hefur þegar hitt fjölskyldu Kennedy, en hún mun vera mikill aðdáandi fjölskyldunnar. Kennedy hitti svo foreldra Swift fyrir stuttu og snæddi fjóreykið hádegisverð saman í Nashville, heimabæ Swift.