Frumsýndi soninn á Twitter

Stjörnurnar eru farnar að nota samskiptasíðuna Twitter í auknum mæli en leikkonan Hillary Duff er greinilega hrifin af þessa samskiptatækni. Fyrir skemmstu birti hún í fyrsta sinn myndir af nýfæddum syni sínum á Twitter-síðu sinni við góðar undirtektir aðdáenda sinna. Á sínum tíma var hún líka dugleg að deila meðgöngunni með fylgjendum sínum á samskiptavefnum.

Hillary Duff og eiginmaður hennar, Mike Comrie, giftu sig árið 2010 en þau hafa verið par síðan 2007. Drengurinn fæddist um miðjan mars og hefur fengið nafnið Luca Cruz Comrie.