Guðrún Eva og Páll ánægð og undrandi 26. janúar 2012 14:45 Guðrún Eva Mínervudóttir og Páll Björnsson á Bessastöðum í gær. Mynd/HAG Íslensku bókmenntaverðlaunin voru afhent við hátíðlega athöfn á Bessastöðum í gær. Verðlaun í flokki fagurbókmennta komu í hlut Guðrúnar Evu Mínervudóttur fyrir bókina Allt með kossi vekur en í flokki fræðirita hlaut Páll Björnsson verðlaunin fyrir bók sína Jón forseti allur? „Ég er ótrúlega glöð, það er svo gott fyrir þessa bók að fá verðlaunin, þau munu setja kastljós á verkið og veita því aukalíftíma sem skiptir mig miklu máli, mig langar mjög mikið til þess að það berist sem víðast og verði lesið af sem flestum," sagði Guðrún Eva Mínervudóttir þegar ljóst var að hún hafði hlotið Íslensku bókmenntaverðlaunin í flokki fagurbókmennta fyrir bók sína Allt með kossi vekur. Verðlaunin voru afhent í 23. sinn í gær. Forseti Íslands afhenti þau við hátíðlega athöfn sem fram fór á Bessastöðum. Guðrún Eva segir einstaklega ánægjulegt að hafa fengið verðlaunin í ár, enda hafi sérlega margar frambærilegar bækur komið út. „Þetta var þvílíkt bókaflóð góðra bóka og því sérlega ánægjulegt fyrir mig að hafa fengið verðlaunin. Ég var mjög ánægð með þessa bók og leyfði mér í fyrsta sinn að vona að ég fengi verðlaunin, veit svo sem ekki af hverju vonin læddist inn í hjarta mitt en hún gerði það samt," segir Guðrún Eva sem hefur áður verið tilnefnd tvisvar sinnum til verðlaunanna. Spurð hvort hún sé byrjuð á nýju verki segir Guðrún Eva svo ekki vera. „Yfirleitt tekur það mig langan tíma að komast í gang því ég legg svo hart að mér á lokaspretti bókanna. Síðasta ár var svo einstaklega annasamt, ég lauk síðasta yfirlestri bókarinnar tveimur dögum áður en ég hélt utan á bókamessuna í Frankfurt, Skaparinn kom út á þýsku og því þurfti að fylgja eftir." Að lokinni törninni kom frumburður Guðrúnar Evu í heiminn 16. nóvember. „Þá var ég mátulega búin að gera mitt til að kynna bókina og hef einbeitt mér að því að sinna henni. Yfirleitt skrifa ég niður hugmyndir í vasabók áður en ég hef vinnu við næsta verk, en það hefur farið lítið fyrir því núna. En það er ágætis hvíld fyrir hausinn að sinna dótturinni og gengur bara mjög vel." Í flokki fræðirita komu bókmenntaverðlaunin í hlut Páls Björnssonar sem hlaut þau fyrir bók sína Jón forseti allur? Páll segir verðlaunin hafa komið þægilega á óvart. „Öll verkin komu sterklega til greina þannig að ég átti ekki endilega von á þessu." Páll fjallar í bók sinni um framhaldslíf Jóns Sigurðssonar, hvernig minningarnar um Jón hafa gengið í endurnýjun lífdaga í gegnum tíðina. „Ég var með þetta verk í vinnslu í mörg ár, byrjaði á forvinnunni fyrir sjö til átta árum en einbeitti mér að því síðustu tvö til þrjú árin," segir Páll sem einnig starfar sem lektor við Háskólann á Akureyri. Páll kannaði þekkingu Íslendinga á Jóni Sigurðssyni í tengslum við útkomu bókarinnar sem gefin var út í tilefni 200 ára fæðingarafmælis þjóðhetjunnar. „Tæp 90 prósent þátttakenda sögðu mikilvægt að halda minningu hans á lofti, en þegar spurt var um hvað hann hefði afrekað þá gat tæpur þriðjungur ekki sagt til um það, sem er áhugavert." Páll hefur ekki sagt skilið við rannsóknir á arfleifð Jóns og merkingu. „Ég á mjög mikið efni og ætla að halda áfram að vinna úr því með kennslunni." Fimm bækur voru tilnefndar í hvorum flokki fyrir sig eins og venja er. Í dómnefnd sátu þau Árni Matthíasson sem var formaður, Viðar Eggertsson og Þorgerður Elín Sigurðardóttir. sigridur@frettabladid.is Menning Mest lesið Óstundvísi Steina sögð kosta tugi milljóna dollara Lífið Gerða og glæsilegar gellur á Edition Lífið „Eurovision mamman“ með gleði og kærleika að vopni Lífið „Hin raunverulegu stólaskipti fóru fram í dag“ Lífið Múgur og margmenni fylgdust með ótrúlegu ostakúluáti Lífið Swing og hópkynlíf fyrir byrjendur! Lífið Halda samstöðutónleika á sama tíma og Ísland keppir í Eurovision Lífið Rithöfundurinn Paul Auster er látinn Lífið Eltihrellirinn í Baby Reindeer íhugar að leita réttar síns Bíó og sjónvarp The House of Beauty fagna sex ára afmæli með látum Lífið samstarf Fleiri fréttir Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Langþráður draumur Völu Eiríks rættist Álfa- og jólahúsið í Laugardalnum heyrir sögunni til Draumur Katrínar Eddu og Markúsar verður að veruleika Trítaði sig og fékk sér Teslu: „Hvað ertu með í laun eiginlega?“ Hönnunarhæð Karinar í Nola til sölu Baldurs og Felix-fáni falur Menningarunnendur nutu veðurblíðunnar í miðborginni Andstaða frá Íslandi og vera Ísraelsmanna litar keppnina í ár Allt það besta úr þáttaröðinni Öll þessi ár Fyrstu kaupendur hafi þessi atriði í huga Rikki G svaraði kallinu og lét draum Ólafs Jóhanns rætast Stjörnulífið: Allt á útopnu í sólinni Hera í gylltum galla á fyrstu æfingunni Ósáttir karlar flautuðu á Fríðu Dulin blessun að missa Baðhúsið „Oft sést ekki nógu vel út á við það sem gerist á bakvið tjöldin“ Sjá meira
Íslensku bókmenntaverðlaunin voru afhent við hátíðlega athöfn á Bessastöðum í gær. Verðlaun í flokki fagurbókmennta komu í hlut Guðrúnar Evu Mínervudóttur fyrir bókina Allt með kossi vekur en í flokki fræðirita hlaut Páll Björnsson verðlaunin fyrir bók sína Jón forseti allur? „Ég er ótrúlega glöð, það er svo gott fyrir þessa bók að fá verðlaunin, þau munu setja kastljós á verkið og veita því aukalíftíma sem skiptir mig miklu máli, mig langar mjög mikið til þess að það berist sem víðast og verði lesið af sem flestum," sagði Guðrún Eva Mínervudóttir þegar ljóst var að hún hafði hlotið Íslensku bókmenntaverðlaunin í flokki fagurbókmennta fyrir bók sína Allt með kossi vekur. Verðlaunin voru afhent í 23. sinn í gær. Forseti Íslands afhenti þau við hátíðlega athöfn sem fram fór á Bessastöðum. Guðrún Eva segir einstaklega ánægjulegt að hafa fengið verðlaunin í ár, enda hafi sérlega margar frambærilegar bækur komið út. „Þetta var þvílíkt bókaflóð góðra bóka og því sérlega ánægjulegt fyrir mig að hafa fengið verðlaunin. Ég var mjög ánægð með þessa bók og leyfði mér í fyrsta sinn að vona að ég fengi verðlaunin, veit svo sem ekki af hverju vonin læddist inn í hjarta mitt en hún gerði það samt," segir Guðrún Eva sem hefur áður verið tilnefnd tvisvar sinnum til verðlaunanna. Spurð hvort hún sé byrjuð á nýju verki segir Guðrún Eva svo ekki vera. „Yfirleitt tekur það mig langan tíma að komast í gang því ég legg svo hart að mér á lokaspretti bókanna. Síðasta ár var svo einstaklega annasamt, ég lauk síðasta yfirlestri bókarinnar tveimur dögum áður en ég hélt utan á bókamessuna í Frankfurt, Skaparinn kom út á þýsku og því þurfti að fylgja eftir." Að lokinni törninni kom frumburður Guðrúnar Evu í heiminn 16. nóvember. „Þá var ég mátulega búin að gera mitt til að kynna bókina og hef einbeitt mér að því að sinna henni. Yfirleitt skrifa ég niður hugmyndir í vasabók áður en ég hef vinnu við næsta verk, en það hefur farið lítið fyrir því núna. En það er ágætis hvíld fyrir hausinn að sinna dótturinni og gengur bara mjög vel." Í flokki fræðirita komu bókmenntaverðlaunin í hlut Páls Björnssonar sem hlaut þau fyrir bók sína Jón forseti allur? Páll segir verðlaunin hafa komið þægilega á óvart. „Öll verkin komu sterklega til greina þannig að ég átti ekki endilega von á þessu." Páll fjallar í bók sinni um framhaldslíf Jóns Sigurðssonar, hvernig minningarnar um Jón hafa gengið í endurnýjun lífdaga í gegnum tíðina. „Ég var með þetta verk í vinnslu í mörg ár, byrjaði á forvinnunni fyrir sjö til átta árum en einbeitti mér að því síðustu tvö til þrjú árin," segir Páll sem einnig starfar sem lektor við Háskólann á Akureyri. Páll kannaði þekkingu Íslendinga á Jóni Sigurðssyni í tengslum við útkomu bókarinnar sem gefin var út í tilefni 200 ára fæðingarafmælis þjóðhetjunnar. „Tæp 90 prósent þátttakenda sögðu mikilvægt að halda minningu hans á lofti, en þegar spurt var um hvað hann hefði afrekað þá gat tæpur þriðjungur ekki sagt til um það, sem er áhugavert." Páll hefur ekki sagt skilið við rannsóknir á arfleifð Jóns og merkingu. „Ég á mjög mikið efni og ætla að halda áfram að vinna úr því með kennslunni." Fimm bækur voru tilnefndar í hvorum flokki fyrir sig eins og venja er. Í dómnefnd sátu þau Árni Matthíasson sem var formaður, Viðar Eggertsson og Þorgerður Elín Sigurðardóttir. sigridur@frettabladid.is
Menning Mest lesið Óstundvísi Steina sögð kosta tugi milljóna dollara Lífið Gerða og glæsilegar gellur á Edition Lífið „Eurovision mamman“ með gleði og kærleika að vopni Lífið „Hin raunverulegu stólaskipti fóru fram í dag“ Lífið Múgur og margmenni fylgdust með ótrúlegu ostakúluáti Lífið Swing og hópkynlíf fyrir byrjendur! Lífið Halda samstöðutónleika á sama tíma og Ísland keppir í Eurovision Lífið Rithöfundurinn Paul Auster er látinn Lífið Eltihrellirinn í Baby Reindeer íhugar að leita réttar síns Bíó og sjónvarp The House of Beauty fagna sex ára afmæli með látum Lífið samstarf Fleiri fréttir Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Langþráður draumur Völu Eiríks rættist Álfa- og jólahúsið í Laugardalnum heyrir sögunni til Draumur Katrínar Eddu og Markúsar verður að veruleika Trítaði sig og fékk sér Teslu: „Hvað ertu með í laun eiginlega?“ Hönnunarhæð Karinar í Nola til sölu Baldurs og Felix-fáni falur Menningarunnendur nutu veðurblíðunnar í miðborginni Andstaða frá Íslandi og vera Ísraelsmanna litar keppnina í ár Allt það besta úr þáttaröðinni Öll þessi ár Fyrstu kaupendur hafi þessi atriði í huga Rikki G svaraði kallinu og lét draum Ólafs Jóhanns rætast Stjörnulífið: Allt á útopnu í sólinni Hera í gylltum galla á fyrstu æfingunni Ósáttir karlar flautuðu á Fríðu Dulin blessun að missa Baðhúsið „Oft sést ekki nógu vel út á við það sem gerist á bakvið tjöldin“ Sjá meira