Lífið

Fékk ekki milljarða

Söngvarinn græddi ekki eins mikið á Facebook og margir halda.
Söngvarinn græddi ekki eins mikið á Facebook og margir halda.
Bono, söngvari U2, segist ekki hafa grætt á tá og fingri þegar Facebook fór á hlutabréfamarkað í síðustu viku. Fregnir hermdu að kappinn hefði þénað yfir milljarð dollara, eða hátt í 130 milljarða króna, vegna Facebook en fjárfestingafyrirtæki hans Elevation Partners keypti 2,3% hlutafjár í Facebook árið 2009.

„Þvert á sögusagnir þá er ég enginn milljarðamæringur og er ekki orðinn ríkari en einhver úr Bítlunum. Bítlarnir eru ósnertanlegir og þessar fregnir um að ég sé milljarðamæringur eru brandari,“ sagði hann í viðtali við MSNBC. Hann bætti við að fyrirtækið hans sjái um að fjárfesta fyrir annað fólk en fái þó að sjálfsögðu eitthvað fyrir sinn snúð. „Mér fannst ég ríkur þegar ég var tvítugur og eiginkona mín borgaði reikningana mína. Bara það að vera í hljómsveit hefur verið mikil blessun. Ég fékk áhuga á tækni vegna þess að ég er listamaður.“






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.