Hollendingurinn Eljero Elia hefur farið fram á að losna frá Juventus og nú þegar eru lið farin að bera víurnar í hann. Hann gæti spilað áfram í röndóttu því Newcastle er eitt þeirra liða sem hefur áhuga á honum.
Þessi 25 ára vængmaður hefur meira og minna setið á plankanum hjá Juve í vetur. Hann fékk tækifæri á að ganga í raðir Newcastle síðasta sumar en valdi þá frekar Juventus. Hann sér eftir þeirri ákvörðun í dag.
Newcastle hefur ákveðið að bjóða í leikmanninn á nýjan leik og eru menn þar á bæ bjartsýnir á að fá leikmanninn í þetta skiptið.
Newcastle á eftir Elia
