Lögreglan á höfuðborgarsvæðinu framkvæmdi húsleit á heimili á höfuðborgarsvæðinu í tengslum við heimasíðu þar sem finna má kynþáttahatur.
Lögreglan gerði tölvu upptæka auk þess sem einn maður var yfirheyrður vegna málsins. Heimasíðan er hýst hjá erlendum aðilum og er enn opin.
Að sögn Friðriks Smára Björgvinssonar, yfirlögregluþjóns á höfuðborgarsvæðinu, þá verða þeir kærðir sem hafa lagt til efni á síðuna, en þó síðan sé hýst erlendis þá minnkar ekki ábyrgð þeirra sem halda slíkum áróðri úti.
Manninum var sleppt af yfirheyrslu lokinni og verður því næst farið í að rannsaka tölvuna. Kynþáttníðið beinist meðal annars að nafngreindum einstaklingum hér á landi.
Húsleit hjá meintum kynþáttahatara - tölva gerð upptæk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
