McCartney fékk 190 kr. fyrir vinnu sína á opnunarhátíðinni

Tónlistargoðsögnin Sir Paul McCartney, lék stórt hlutverk á opnunarhátíðinni í London á föstudagskvöld þegar Ólympíuleikarnir voru settir. Engu var til sparað til þess að gera hátíðina sem glæsilegasta en McCartney var ekki stór útgjaldaliður fyrir mótshaldara. McCartney vildi ekki fá greitt fyrir framlag sitt en á endanum var samið um að hann fengi 1 pund eða sem nemur 190 kr.

Upphæðin er aðeins formsatriði þar sem að McCartney vildi ekki fá greitt fyrir vinnu sína. Hann varð hinsvegar að taka við þessari greiðslu vegna formsatriða í samningagerð við mótshaldara.

McCartney er einn auðugasti tónlistarmaður heims en eignir hans eru metnar á um 120 milljarða kr.