Boris Johnson skaut á Mitt Romney

Boris Johnson, borgarstjórinn í London, nýtti tækifærið í Hyde Park í gærkvöldi og svaraði fyrir gagnrýni Mitt Romney, forsetaframbjóðanda Repúblikana, á dögunum.

Romney gagnrýndi undirbúning Breta fyrir leikana í viðtali fyrir skömmu en Bandaríkjamaðurinn var þá nýkominn úr heimsókn til borgarinnar.

Boris Johnson greip tækifærið frammi fyrir sextíu þúsund áhorfendum í Hyde Park í London á fimmtudagskvöldið.

„Ég hef heyrt af manni að nafni Mitt Romney sem vill vita hvort við séum tilbúin fyrir leikana," sagði Johnson við trylltan lýðinn í Hyde Park.

Til að skjóta ennfrekar á Romney vitnaði Johnson í slagorð mótframbjóðanda hans, Barack Obama, „Já það getum við."

„Getum við sigrað Frakkland? Já það getum við. Getum við sigrað Ástralíu? Já það getum við. Getum við sigrað Þýskaland? Já það held ég að við getum líka."

Ræðuna hjá Johnson má sjá í spilaranum hér fyrir ofan.