Tvö heimsmet féllu í sundi á Ólympíuleikunum í London

Tvö heimsmet féll á Ólympíuleikunum í London í sundi í dag en Dana Vollmer og Cameron van der Burgh slógu bæði heimsmet í sínum greinum.

Bandaríkjakonan Dana Vollmer bætti heimsmetið í 100 metra flugsundi en hún kom í mark á 55,98 sekúndum og var því fyrsta konan í sögunni sem syndir undir 56 sekúndum í þessari grein.

Cameron van der Burgh frá Suður-Afríku setti einnig heimsmet í 100 metra bringusundi karla en hann kom í mark á 58,46 sekúndum og bætti því heimsmetið um tólf sekúndubrot.

Cameron van der Burgh vann í dag fyrstu gullverðlaun Suður-Afríku á Ólympíuleikunum í London.