Giggs fyrirliði Bretlands í sumar

Ryan Giggs, leikmanni Manchester United og velska landsliðsins hefur verið úthlutuð fyrirliðastaðan í sameiginlegu liði Bretlands á Ólympíuleikunum sem haldnir verða í sumar.

Þetta tilkynnti Stuart Pearce, þjálfari liðsins nú um helgina, en hann sagði að það hefði í rauninni aldrei verið spurning um hver yrði fyrirliði liðsins á leikunum.

„Hann hefur verið frábær atvinnumaður í mörg ár og var hann augljós kostur í fyrirliðastöðuna. Það bera allir virðingu fyrir honum í hópnum og hlakka ég til þess að vinna með honum," sagði Pearce.

Giggs sagði þetta var mikinn heiður og að hann hlakkaði til þess að takast á við verkefnið sem framundan væri.

„Það er mikill heiður að fá að vera partur af liðinu og hlakka ég mikið til þess að taka þátt á Ólympíuleikunum. Það eru margvíslegar skoðanir á mikilvægi leikanna en ég ætla persónulega að mæta þangað á fullum krafti og reyna að vinna mótið," sagði Giggs.