Pepsi-deild kvenna: ÍBV lagði Val í ótrúlegum leik

Kvennalið ÍBV gerðu sér lítið fyrir og vann upp tveggja marka forskot Valskvenna og tryggði sér öruggan 4-2 sigur í opnunarleik Pepsi-deildar kvenna í dag.

Dóra María Lárusdóttir og Dagný Brynjarsdóttir voru búnar að koma Val í 2-0 eftir aðeins fimm mínútur og útlitið ekki bjart fyrir Eyjastelpur.

Þannig stóðu leikar í hálfleik og alveg fram að 63. mínútu er Danka Podovac minnkaði muninn. Vesna Smiljkovic jafnaði svo leikinn ellefu mínútum fyrir leikslok.

Shaneka Gordon kom ÍBV yfir fjórum mínútum fyrir leikslok og Kristín Erna Sigurlásdóttir innsiglaði sigurinn undir lokin.