Skautafélag Akureyrar Íslandsmeistari kvenna í íshokkí

Ásynjur Skautafélags Akureyrar tryggði sér í dag Íslandsmeistaratitilinn í íshokkí eftir 6-2 sigur á Birninum í þriðja leik liðanna norðan heiða.

Staðan að loknum fyrsta leikhluta var 1-1. Í öðrum leikhluta tóku heimakonur frumkvæðið og leiddu að honum loknum 4-2. Þær bættu svo við tveimur mörkum í síðasta leihlutanum og unnu öruggan sigur.

Diljá Sif Björgvinsdóttir skoraði þrjú mörk Ásynja en Flosrún Vaka Jóhannesdóttir bæði mörk Bjarnarins.

Ásynjur höfðu því sigur í einvíginu 3-0.

Mörk Ásynja SA:

Diljá Sif Björgvinsdóttir 3

Silvía Rán Björgvinsdóttir 1

Sarah Smiley 1

Guðrún Blöndal 1

Varin skot: 17

Mörk Bjarnarins:

Flosrún Vaka Jóhannesdóttir 2

Varin skot: 36

Upplýsingar af heimasíðu Skautafélags Akureyrar, sjá hér.