Bara vinir

Ástralski Ólympíuvinningshafinn í sundi Stephanie Rice, 24 ára, neitar því staðfastlega að eitthvað meira sé á milli hennar og bandaríska körfuboltamannsins Kobe Bryant, 33 ára en hrein og tær vinátta. Stephanie og körfuboltakappinn sem á tvær dætur með Vanessu eiginkonu sinni til tíu ára eru parið sem allir eru að tala um í Ólympíuþorpinu í London því þau sjást oft saman og það fer ekki fram hjá nokkrum einasta manni að þeim líður vel í návist hvors annars. Í vikunni skemmtu þau sér saman í áhorfendastúkunni eins og sjá má í myndasafninu en eiginkona Koby var hvergi sjáanleg. Síðar sama dag mætti Stephanie í stuttu leðurpilsi og hvarf síðar ásamt Kobe og viti menn það var þá sem slúðursagan fór af stað eins og eldur í sinu. Geta strákar og stelpur ekki verið vinir? spurði sunddrottning á Twitter síðunni sinni eftir að hún setti myndina af sér með Kobe á síðuna í vikunni en það var þá sem aðdáendur hennar spurðu hvort þau væru bara vinir. Í myndasafni má einnig sjá Koby með eiginkonu sinni og dætrum fylgjast með leikunum.