Enski boltinn

Skilaboð Sir Alex: Hættið að syngja um Hillsborough

Óskar Ófeigur Jónsson skrifar
Stuðningsmaður Liverpool minnist hér Hillsborough-slyssins.
Stuðningsmaður Liverpool minnist hér Hillsborough-slyssins. Mynd/Nordic Photos/Getty

Sir Alex Ferguson, stjóri Manchester United, hefur biðlað til stuðningsmanna félagsins að hætta að syngja um Hillsborough-slysið í leikjum á móti Liverpool, en erkifjendurnir mætast á Anfield í dag.

United-menn hafa ítrekað reynt að strá salti í sárin með því að syngja um slysið á Hillsborough-vellinum í Sheffield í undanúrslitaleik bikarsins árið 1989 þar sem 96 stuðningsmenn Liverpool krömdust til bana.

„Ég lít alltaf á þessa leiki sem leiki ársins í enska boltanum. Við þörfnumst hver annars og verðum að sýna virðingu. Söngvar um Hillsborough hjálpa hvorugu félaginu,“ sagði Ferguson.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.