Spautaði sílikoni í getnaðarlim - sökuð um manndráp

Kona í New Jersey hefur verið ákærð fyrir manndráp eftir að hún sprautaði sílikoni í getnaðarlim karlmanns. Maðurinn lést eftir að hafa fengið blóðtappa.

Talið er að maðurinn hafi viljað stækka getnaðarlim sinn.

Hin 34 ára gamla Kasia Rivera hefur lýst yfir sakleysi sínu. Dómstólar í New Jersey færðu Rivera í gæsluvarðhald og verður hún þar þangað til að málsmeðferð hefst.

Rivera er sökuð um að hafa valdið dauða hins 22 ára gamla Justin Street. Aðgerðin var framkvæmt á heimili Rivera og er lögreglan í New Jersey nú að rannsaka hvort að hún hafi framkvæmt fleiri aðgerðir.