Segja Manning hafa lekið upplýsingum vegna tilvistarkreppu

Verjendur hermannsins Bradley Manning, sem ákærður er fyrir að hafa lekið leyniskjölum til Wikileaks, segja að vegna samkynhneigðar sinnar hafi Manning átt í tilvistarkreppu innan hersins, og hafi það haft áhrif á ákvörðun hans um að leka gögnunum.

Ákæran á hendur Manning var birt í fyrsta skipti í gær. Ákæruatriðin eru tuttugu og þrjú. Þar er Manning meðal annars gefið að sök að hafa veitt óvininum upplýsingar, og verður því tekist á það fyrir dómi hvort skilgreina skuli Wikileaks sem óvin hersins.