Innlent

Gillz kærður fyrir nauðgun

Egill Einarsson.
Egill Einarsson.
Egill Einarsson, kallaður Gillzenegger, hefur verið kærður fyrir nauðgun. Það er Eyjan.is sem greinir frá þessu.

Auk Egils hefur kærasta hans verið kærð vegna málsins.

Það var DV sem greindi frá málinu á miðvikudaginn síðasta. Þar kom fram að stúlkan hefði kynnst parinu eftir eldhúspartý FM957 á skemmtistaðnum Glaumbar í síðustu viku.

Fórnarlambið er átján ára gömul stúlka. Hún hefur stundað líkamsrækt undir handleiðslu Egils.

Agli er gefið að sök að hafa nauðgað stúlkunni á heimili sínu í Kópavogi 25. nóvember síðastliðinn.

Parið neitar sök og hyggjast kæra stúlkuna fyrir rangar sakargiftir samkvæmt heimildum Vísis. Hann var yfirheyrður vegna málsins í dag.

Egill er landsþekktur skemmtikraftur og mátti sjá hann meðal annars í þáttum á Stöð tvö þar sem hann kenndi ungu fólki mannasiði.

Þá gaf hann út bók fyrir jólabókaflóðið í ár. Ekki hefur náðst í Egil vegna málsins.


Tengdar fréttir

Par kært fyrir nauðgun - segir kærustuna hafa horft upp á ofbeldið

Par hefur verið kært fyrir nauðgun í heimahúsi á höfuðborgarsvæðinu í síðustu viku. Fórnarlambið er átján ára stúlka. Lögregla er með málið til rannsóknar en samkvæmt heimildum fréttastofu hefur parið einnig kært stúlkuna fyrir rangar sakargiftir. Maðurinn var yfirheyrður í dag.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið