Framkvæmdastýra jafnréttisstofu: VR brýtur hugsanlega á karlmönnum

Framkvæmdastýra Jafnréttisstofu, Kristín Ástgeirsdóttir, telur að hugsanlega sé verið að brjóta á karlmönnum með aðgerð VR, sem felst í því hvetja fyrirtæki til að veita konum tíu prósent afslátt af vörum þessa vikuna. Átak VR er liður í því að vekja athygli á launamisrétti kynjanna.

VR hefur kvatt fyrirtæki til þess að veita konum tíu prósent afslátt af vörum þessa vikuna til að vekja athygli á launamisrétti kynjanna, en kynbundinn launamunur hjá félögum VR mælist nú tíu prósent.

Kristín Ástgeirsdóttir segir að með aðgerðinni sé VR hugsanlega að brjóta á réttindum karlmanna. Hún telur að aðgerðin orki tvímælis þar sem hún felur í að verið er að mismuna fólki með kaup á vörum. Kristín setur fyrirvara við að einni mismunum sé mætt með annarri.

Hallur Reynisson, tvítugur maður frá Akureyri, kærði framtak VR til jafnréttisráðs í gær. Sjálfur starfar hann í Hagkaup og sagði í yfirlýsingu sem hann sendi Vísi í gær að honum blöskraði mismunina. Hann kærði 16 fyrirtæki og að auki formann VR og framkvæmdastjóra Hagkaupa.