Stjarnan og Valur mætast í Valitor-bikar kvenna

Dregið var í fjórðungsúrslit Valitors-bikarkeppni kvenna í hádeginu í dag en stórleikur umferðarinnar verður viðureign Stjörnunnar og Vals.

Valur og Stjarnan eru bæði í toppbaráttu Pepsi-deildar kvenna. Valskonur eru í öðru sæti deildarinnar með þrettán stig, rétt eins og topplið ÍBV, en Stjarnan er í þriðja sæti með tólf stig.

Leikirnir fara fram föstudaginn 1. júlí.

Leikirnir í 8-liða úrslitum kvenna:

Fylkir - FH

Stjarnan - Valur

KR - Grindavík

ÍBV - Afturelding