Antic sætti sig við risa launalækkun og verður áfram með Serbíu

Radomir Antic, mun halda áfram að þjálfara serbneska landsliðið í knattspyrnu eftir að hann "sættist" við forseta serbneska sambandsins og féllst á það að taka risa launalækkun.

Radomir Antic og Tomislav Karadzic, forseti serbneska sambandsins, deildu opinberlega eftir að Serbar duttu út á HM í sumar en hafa ákveðið að þola hvorn annan í tvö ár til viðbótar að minnsta kosti.

„Eftir marga fundi og mikla umhugsun þá ákváðum við að leyft Antic að halda áfram með liðið í undankeppninni fyrir EM 2012 þrátt fyrir leiðindindin sem hlutust af ljótum deilum þjálfarans og sambandsins," sagði Tomislav Karadzic á blaðamannafundi.

Radomir Antic fékk fjögurra leikja bann frá FIFA fyrir að hella sér yfir dómara eftir 2-1 tap Serba á móti Ástralíu í lokaleik liðsins á HM. Forseti serbneska sambandsins tjáði líka fjölmiðlum um að hann hefði verið mjög ósáttur með hrokafulla hegðun þjálfarans eftir HM.

Antic þarf að sætta sig við mikla launalækkun en hann fær bónus takist honum að koma Serbum inn á EM. Serbía er í riðli með Ítalíu, Slóveníu, Norður-Írlandi, Eistlandi og Færeyjum í undankeppni EM 2012. Fyrsti leikurinn er á móti Færeyjum í Þórhöfn 3. september næstkomandi.