Undankeppni EM 2012 - Ísland í riðli með Portúgal

Nú liggur ljóst fyrir hverjir verða móterjar karlalandsliðs Íslands í fótbolta í undankeppni EM 2012. Ísland leikur í H-riðli, sem er fimm liða riðill, ásamt Portúgal, Danmörku, Noregi og Kýpur.

Drátturinn fór fram í Varsjá í Póllandi því lokakeppnin fer fram í Póllandi og Úkraínu.

Flestir fótboltaunnendur á Íslandi voru að vonast eftir því að fá Englendinga úr 1. styrkleikaflokki en það verður að bíða eitthvað en Ísland var í 5. styrkleikaflokki í drættinum ásamt Svartfjallalandi, Albaníu, Eistlandi, Georgíu, Moldavíu, Armeníu, Kasakstan og Liechtenstein.

Riðlaskiptingin er eftirfarandi:

A-Riðill:

Þýskaland, Tyrkland, Austurríki, Belgía, Kasakstan, Aserbaídsjan

B-Riðill:

Rússland, Slóvakía, Írland, Makedónía, Armenía, Andorra

C-Riðill:

Ítalía, Serbía, Norður-Írland, Slóvenía, Eistland, Færeyjar

D-Riðill:

Frakkland, Rúmenía, Bosnía Hersegóvína, Hvíta-Rússland, Albanía, Lúxemborg

E-Riðill:

Holland, Svíþjóð, Finnland, Ungverjaland, Moldavía, San Marínó

F-Riðill:

Króatía, Grikkland, Ísrael, Lettland, Gerorgía, Malta

G-Riðill:

England, Sviss, Búlgaría, Wales, Svartfjallaland

H-Riðill:

Portúgal, Danmörk, Noregur, Kýpur, Ísland

I-Riðill:

Spánn, Tékkland, Skotland, Litháen, Liechtenstein

Sigurvegarar hvers riðils komast beint í úrslitakeppnina ásamt þeirri þjóð sem verður með bestan árangur í öðru sæti. Hinar átta þjóðirnar í sem munu lenda í öðru sæti í hinum riðlunum leika svo umspilsleiki um fjögur laus sæti á lokakeppninni. Við þær fjórtán þjóðir sem tryggja sér farseðilinn á lokakeppnina bætast svo við heimaþjóðirnar Pólland og Úkraína.