Atli skoraði tvö í öruggum sigri FH á Val

Atli Guðnason skoraði tvö mörk fyrir FH sem vann Val í opnunarleik Lengjubikarsins 3-0.

Hitt mark Íslandsmeistarana skoraði Gunnar Már Guðmundsson sem gekk til liðs við félagið í vetur frá Fjölni.

FH-ingar eiga titil að verja í Lengjubikarnum.

Mikill fjöldi leikja er í keppninni þessa helgina en á morgun verður leikið samfleytt í Egilshöll frá 13 til 23.

Nú stendur yfir leikur ÍBV og ÍR en þar er staðan 1-0 í hálfleik fyrir Eyjamenn. Eyþór Helgi Birgisson skoraði markið.