Leikmenn Mexíkó skemmtu sér með vændiskonum

Strákarnir í mexíkóska landsliðinu í knattspyrnu skemmtu sér konunglega í hópi fjórtán vændiskvenna og eins klæðskiptings eftir landsleik gegn Kólumbíu á dögunum.

Á meðal þeirra sem voru í partýinu má nefna framherja Arsenal, Carlos Vela, og Carlos Salcido, varnarmaður Fulham.

Frá þessu er greint í mexíkóskum fjölmiðlum í dag og meðal annars birtar myndir af Vela og félögum með klæðskiptingnum.

Leikmenn landsliðsins hafa spilað sig saklausa og segjast ekki hafa vitað til þess að stúlkurnar væru vændiskonur.

Ekkert bendir til þess að landsliðsstrákarnir hafi gert meira með stelpunum en skálað við þær.