Tógó-markvörðurinn ætlar að leita réttar síns

Tógó-maðurinn Kodjovi Obilale ætlar að kæra stjórnarmenn afríska knattspyrnusambandsins vegna framferði þeirra í tengslum við skotárásina á rútu landsliðs Tógó rétt fyrir Afríkukeppni landsliða í janúar.

Kodjovi Obilale, er markvörður landsliðs Tógó, sem særðist lífshættulega en komst naumlega af úr hríðskotabyssu-árásinni á rútu Tógó.

Félagar Kodjovi Obilale í landsliðinu héldu fyrst að hann væri dáinn þegar hann lá alblóðugur á gólfi rútunnar en hann var síðan fluttur með þyrlu á sjúkrahús þar sem læknum tókst að bjarga lífi hans.

Hinn 25 ára markvörður þurfti meðal annars að ganga í gegnum fimm aðgerðir og það þykir ólíklegt að hann spili knattspyrnu aftur.

„Ég þarf að að ná mér af sárum mínum áður en ég get farið að velta því fyrir mér hvort ég geti stundað fótbolta á nýjan leik," sagði Kodjovi Obilale.

„Ég ætla að leita rétta míns og þá sérstaklega gegn afríska knattspyrnusambandinu. Þar eru villimenn á ferðinni sem hegðuðu sér ómannúðlega. Ég veit ekki alveg hvernig ég fer að því ég á eftir að ráða mér lögmann. Ég ætla mér samt að fara með þessa menn fyrir dómara," sagði Obilale.

Aðstoðarþjálfari Tógó, blaðamannafulltrúi liðsins og ökumaður rútunnar létust í árásinni.