Ólafur Örn: Það er virkilega gaman að vera kominn aftur

"Það er virkilega gaman að vera kominn aftur," söng Ólafur Örn Bjarnason með örlítlum norskum hreim og norskum töktum, eftir 2-3 sigur Grindavíkur í kvöld. "Ég hefði viljað að liðið væri í betri stöðu en við verðum bara að halda áfram," sagði þjálfarinn sem stýrði sínum fyrsta leik af hliðarlínunni í kvöld. "Leikurinn í dag var skref fram á við en við erum enn á sama stað," sagði Ólafur sem langaði til að spila. "Já, sérstaklega í upphituninni!" sagði hann og hló við. "En strákarnir leystu þetta vel. Ég braut aðeins upp hugarfar leikmanna og gerði áherslubreytingar á vörninni. Það tekur tíma að slípa þetta en það er vonandi að næstu vikur verði jákvæðar hjá okkur." "Stefnan er tekin fram á við, liðið er ekki dottið úr einu né neinu," sagði þjálfarinn.