Íþróttir mikilvægar samfélaginu

Elísabet II, drottning Breta, gerði mikilvægi íþrótta að umfjöllunarefni í árlegu jólaávarpi sem hún flutti þjóð sinni í dag.

Drottningin sagði að íþróttir væru mikilvægar til þess að sameina fólk með mismunandi bakgrunn. Hún sagði að íþróttir ættu ríkan þátt í að byggja upp samfélög og skapa einingu. Í þeirri vinnu léku sjálfboðaliðar stórt hlutverk.

„Íþróttir og leikir stuðla að líkamlegri hreysti, en eru líka mikilvægar til að byggja upp félagsfærni," sagði drottningin í ávarpinu sem sjónvarpað var á BBC, breska ríkissjónvarpinu.

Fram kemur á fréttavef BBC að konugsfjölskyldan ver jólunum á sveitasetri drottningar í Sandringham í Norfolk. Vilhjálmur krónprins og Kate Middleton unnusta hans eru þó víðsfjarri. Talið er að Middleton verji jólahátíðinni með fjölskyldu sinni, þar sem hún er laus við kastljós fjölmiðla.