Fékk rauða spjaldið í upphitun - myndband

Ótrúleg uppákoma átti sér stað í leik Ajax og Auxerre í Meistaradeildinni í gær. Uppákoma sem mun líklega ekki sjást aftur í Meistaradeilinni.

Jean-Pascal Mignot, leikmaður Auxerre, tókst þá að láta reka sig af velli með rautt spjald er hann hitaði upp.

Mignot ákvað þá að rífa kjaft við dómarann af hlíðarlínunni. Hann uppskar gula spjaldið fyrir kjaftbrúkinn. Mignot lét sér ekki segjast, hélt áfram að rífa kjaft og fékk því rauða spjaldið.

Reyndar verður að viðurkennast að millitíminn á rauða spjaldinu var óvenju góður.

Sjón er sögu ríkari og má sjá atvikið magnaða hér.