Joe Cole: Á mín bestu ár eftir

Joe Cole ætlar að sýna allar sínu bestu hliðar á næstu árum en hann gekk í raðir Liverpool í sumar.

Hann vonar að hann geti hjálpað Liverpool að binda endi á langa bið eftir meistaratitli í Englandi.

„Félag eins og þetta stefnir alltaf á efsta sætið," sagði Cole við enska fjölmiðla í dag. „Það gekk ekki vel á síðustu leiktíð en við fáum nú að byrja upp á nýtt og munum gera okkar besta."

„Ég er 28 ára og á mín bestu ár framundan í fótboltanum. Ég vil vera hjá félagi þar sem ég fæ að spila og hjálpa félaginu að ná góðum árangri. Ég þarf að finna fyrir sjálfstrausti á nýjan leik og vonandi tekst mér að eiga mín bestu ár hjá Liverpool."