Jóhann Berg lagði upp mark í tapi AZ Alkmar

Jóhann Berg Guðmundsson og félagar hans í AZ Alkmar biðu lægri hlut fyrir PSV Eindhoven í hollensku úrvalsdeildinni í dag. Leikar lyktuðu með 3-1 sigri heimamanna í PSV.

Svíinn Marcus Berg var heitur hjá PSV og kom heimamönnum yfir á 43. mínútu. Erik Falkenburg jafnaði á 50. mínútu fyrir AZ Alkmar eftir stoðsendingu frá Jóhanni Berg.

Marcus Berg var hins vegar aftur á skotskónum á 52. mínútu og á Ibrahim Allelay gulltryggði heimasigur PSV með marki í uppbótartíma. AZ Alkmar er með tvö stig í 16. sæti eftir þrjá leiki.