Drogba, Eto’o og Essien voru þeir þrír bestu í Afríku 2009

Þrír leikmenn hafa verið tilnefndir til verðlaunanna besti knattspyrnumaður Afríku fyrir árið 2009 en það eru þeir Didier Drogba, Samuel Eto'o og Michael Essien. Útnefningin fer fram í Gana 11. mars næstkomandi.

Samuel Eto'o og Didier Drogba hafa báðir unnið verðlaunin áður, Eto'o þrjú ár í röð 2003-2005 og Drogba árið 2006. Drogba átti einnig að vinna árið 2007 en neitaði að mæta á hátíðina og Frederic Kanoute var valinn í staðinn. Emmanuel Adebayor var kosinn Bestu knattspyrnumaður Afríku fyrir árið 2008.

Það eru landsliðsþjálfarar í Afríku sem kjósa besta knattspyrnumann Afríku og það er talið líklegast að Samuel Eto'o verði fyrir valinn í fjórða sinn. Hann vann þrefalt með Barcelona á síðasta tímabili og skoraði átta mörk í undankeppni HM á árinu.

Michael Essien þarf líklega að bíða eitthvað lengur eftir að hljóta þessi verðlaun en hann hefur verið í hópi þriggja efstu undanfarin fjögur ár.