Boða kröfufund á Austurvelli

Hagsmunasamtök heimilanna og Nýtt Ísland boða til kröfufundar á Austurvelli í dag klukkan þrjú.

Samtökin hvetja alla til að mæta og gera kröfur á ríkisstjórn Íslands til að bæta lánakjör landsmanna til frambúðar með almennum og samræmdum leiðréttingum á stökkbreyttum höfuðstóli lána og afnámi verðtryggingar til frambúðar.

Samtökin hafa gagnrýnt það sem þau vilja meina að séu ósamræmdar og villandi leiðréttingarleiðir bankanna sem skila sér ekki í auglýstum prósentutölum þegar lánatíminn er skoðaður í heild sinni.

Samtökin hafa mótmælt reglulega í allan vetur.