Einn leikur var í Lengjubikarnum í kvöld. Breiðablik vann 3-2 sigur á HK í Kópavogsslag sem fram fór í Kórnum.
Gamla brýnið Jónas Grani Garðarsson kom HK yfir en Alfreð Finnbogason jafnaði og staðan var 1-1 í hálfleik.
Þórður Birgisson kom HK aftur í forystu snemma í seinni hálfleik en tvö mörk á síðustu tíu mínútunum færðu Blikum sigurinn. Arnór Sveinn Aðalsteinsson jafnaði metin í 2-2.
Það var svo Rafn Andri Haraldsson, sem gekk til liðs við Blika frá Þrótti í vetur, sem skoraði sigurmarkið á 88. mínútu.
Upplýsingar eru fengnar af Fótbolta.net.
