Houllier segir að Benitez hafi unnið Meistaradeildina með sitt lið

Gerard Houllier, fyrrum stjóri Liverpool, gagnrýndi harðlega starf Rafael Benitez hjá Liverpool í viðtali við Liverpool Echo og talaði um að hann sjálfur hafi átt mikið í sigri Liverpool í Meistaradeildinni árið 2005.

„Ég fór frá Liverpool þegar félagið var með gott lið og inn í Meistaradeildinni. Tólf af fjórtán leikmönnum sem tóku þátt í leiknum í Istanbul voru leikmenn sem ég keypti eða ól upp," sagði Gerard Houllier en hann segir að Benitez hafi eyðilagt Liverpool-liðið sem hann bjó til.

„Þegar ég kom inn í búningsklefann eftir sigurinn í Istanbul þá sögðu sumir leikmenn við mig: Stjóri, þetta er þitt lið," sagði Houllier sem taldi það ótrúlega slakan árangur að ná aðeins sjöunda sæti með leikmenn eins og Fernando Torres og Steven Gerrard innanborðs.