Bandaríkjamenn vilja fá Klinsmann sem landsliðsþjálfara

Framtíð þjálfara bandaríska landsliðsins í knattspyrnu. Bob Bradley, er óljós og þess vegna eru forráðamenn bandaríska knattspyrnusambandsins farnir að huga að eftirmanni hans.

Jurgen Klinsmann, fyrrum landsliðsþjálfari Þýskalands, hefur þegar hitt Sunil Gulati, forseta knattspyrnusambandsins, þar sem þeir ræddu þann möguleika að Klinsmann tæki við landsliðinu.

Þetta er í annað sinn sem Bandaríkjamenn sýna Klinsmann áhuga en þeir vildu fá hann líka árið 2006 þegar Bruce Arena hætti með liðið.

Bob Bradley stóð sig frábærlega með bandaríska landsliðið á HM í sumar og hefur meðal annars verið orðaður við stjórastöðuna hjá Aston Villa.