Kewell spilar eitt ár til viðbótar með Galatasaray

Harry Kewell er ekki á heimleið heldur ætlar þessi fyrrum leikmaður Leeds og Liverpool að spila eitt tímabil til viðbótar með tyrkneska liðinu Galatasaray.

Kewell er orðinn 31 árs gamall og margir bjuggust við því að hann myndi snúa heima og spila með Gold Coast United í áströlsku deildinni. Kewell ákvað hinsvegar að gera nýjan eins árs samning.

Kewell kom til Galatasaray árið 2008 en missti mikið úr á síðasta tímabili vegna meiðsla. Hann skoraði engu að síður 9 mörk í 17 deildarleikjum með liðinu.

Kewell kom lítið við sögu með Ástralíu á HM í Suður-Afríku eftir að hafa verið rekinn útaf eftir aðeins 24 mínútur í leik á móti Gana. Hann fékk rauða spjaldið fyrir að verja með hendi á marklínu.