Umfjöllun: Frábær sigur Grindavíkur gegn Íslandsmeisturunum

Grindavík vann í kvöld óvæntan sigur á Íslands- og bikarmeisturum FH í 16. umferð Pepsi-deildar karla, 3-1. Leikurinn var gríðarlega þýðingamikill fyrir bæði lið og ósigur kom ekki til greina. Grindvíkingar sýndu hins vegar að allt er hægt þegar baráttan og liðsheildin er til staðar.

FH náði forystunni á 18. mínútu þegar Atli Viðar Björnsson kom þeim hvítklæddu yfir með lauflausu skoti eftir vandræðagang í vörn Grindvíkinga. Mattías Vilhjálmsson átti skot sem barst til Atla Viðars sem átti ekki í vandræðum með að koma boltanum yfir línuna.

Grindvíkingar voru ekki lengi að jafna leikinn því Gilles Mbang Ondo skoraði skömmu síðar með snyrtilegri afgreiðslu. Hann komst einn í gegn eftir að hafa unnið boltann af varnarmanni FH og skoraði laglega framhjá Gunnleifi Gunnleifssyni í marki FH. Staðan var jöfn í hálfleik og jafnræði með liðunum.

Í síðari hálfleik skiptust liðin á að sækja án þess að skapa sér góð færi. FH-ingar náðu undirtökunum á miðjunni þegar líða tók á leikinn en heimamenn börðust af miklum krafti og náðu álitlegum skyndisóknum.

Það var einmitt með skyndisóknum sem Grindvíkingum tókst að tryggja sér sigurinn. Ondo skoraði annað mark sitt á 90. mínútu með glæsilegri afgreiðslu þegar hann hreinlega klíndi boltanum í markvinkilinn.

Stuðningsmenn Grindvíkinga hreinlega ærðust að gleði þegar Óli Baldur Bjarnason innsligaði sigurinn í uppbótatíma eftir undirbúning frá Ondo og frábær sigur heimamanna staðreynd.

Þetta er líklega besti leikur Grindvíkinga í sumar og var hreinlega unun að fylgjast með baráttunni hjá þeim gulklæddu í kvöld. Það var hins vegar enginn unaður að fylgjast með FH-ingum í kvöld og spurning hvort að gleðskapurinn frá því um helgina sitji ennþá í Hafnfirðingum.

Grindavík  3 - 1 FH

0-1 Atli Viðar Björnsson (18.)

1-1 Gilles Mbang Ondo (23.)

2-1 Gilles Mbang Ondo (90.)

3-1 Óli Baldur Bjarnason (94.)

Áhorfendur: 1132

Dómari: Örvar Gíslason 7

Skot (á mark): 12 -12 (5-2)

Varin skot: Óskar 2 - Gunnleifur 3

Horn: 6 - 8

Aukaspyrnur fengnar:8 - 7

Rangstöður: 3 - 2

Grindavík 4-4-2

Óskar Pétursson 6

Alexander Magnússon 5

Auðun Helgason 6

Ólafur Örn Bjarnason 7

Jósef Kristinn Jósefsson 7

Scott Ramsay 6

(57. Ray Anthony Jónsson 5 )

Orri Freyr Hjaltalín 7

Jóhann Helgason 6

Hafþór Ægir Vilhjálmsson 6

(81. Óli Baldur Bjarnason -)

Gilles Mbang Ondo 8 Maður leiksins

Grétar Hjartarson 5

(75. Mattías Örn Friðriksson -)

FH 4-4-2:

Gunnleifur Gunnleifsson 7

Guðmundur Sævarson 5

Tommy Nielsen 6

Freyr Bjarnason 5

(74. Gunnar Már Guðmundsson -) 

Hjörtur Logi Valgarðsson 6

Pétur Viðarsson 5

Björn Daníel Sverrisson 5

Matthías Vilhjálmsson 6

Ólafur Páll Snorrason 6

(74. Gunnar Kristjánsson -)

Atli Viðar Björnsson 6

Atli Guðnason 6

(83. Torger Motland-)

Leiknum var lýst beint á Boltavakt Vísis og Fréttablaðsins. Til þess að sjá lýsinguna þarf að smella hér: Grindavík - FH