Birkir er nýr varaformaður Framsóknarflokksins

18. janúar 2009 17:13

Birkir J. Jónsson var í dag kjörinn varaformaður Framsóknarflokksins. Hann hlaut 368 atkvæði eða 59%. Siv Friðleifsdóttir hlaut 238 atkvæði eða 38%. Ógildir seðlar voru 12 og 3 voru auðir. Kjósa þurfti tvisvar sinnum um varaformann þar sem hvorki Birkir né Siv fengu 50% greiddra atkvæða í fyrri umferðinni eins og ný lög gerðu ráð fyrir.

Eins og fram kom á Vísi fyrr í dag var Sigmundur Davíð Gunnlaugsson réttkjörinn formaður flokksins eftir að hafa lagt Höskuld Þórhallsson í síðari umferð formannskosninganna.

Þá var Eygló Harðardóttir kjörin ritari Framsóknarflokksins nú undir kvöld.

Tengdar fréttir

Sigmundur Davíð er formaður Framsóknarflokksins

Sigmundur Davíð Gunnlaugsson var kjörinn formaður Framsóknarflokksins nú fyrir stundu. Formaður kjörstjórnar gerði mistök fyrst þegar að hann kynnti úrslitin og kynnti Höskuld Þórhallsson sem nýjan formann. Þegar að Höskuldur var rétt í þann mund að stíga í pontu eftir að kjörið var kynnt var gert hlé á fundinum og formaður kjörstjórnar fór betur yfir stöðuna.

18. janúar 2009 15:15

78 ár á milli elsta og yngsta þingfulltrúa

Flokksþing framsóknarmanna verður haldið um næstu helgi í Valsheimilinu að Hlíðarenda við Öskjuhlíð í Reykjavík. Þar verður tekist á stefnu flokksins í Evrópumálum og ný forysta kjörin. 78 ár eru á milli elsta þingfulltrúans og þess yngsta sem verður 17 ára í mars næstkomandi. Elsti þingfulltrúinn er Vilhjálmur Hjálmarsson, fyrrverandi ráðherra, frá Mjóafirði sem verður 95 ára í september.

14. janúar 2009 22:09

Formaður kjörstjórnar segir af sér

Haukur Ingibergsson hefur sagt af sér sem formaður kjörstjórnar á flokksþingi Framsóknarflokksins. Þetta gerir hann vegna mistaka sem voru gerð þegar að Höskuldur Þórhallsson var ranglega kynntur sem

18. janúar 2009 16:00

Framsóknarmenn takast á um ESB

Flokksþing Framsóknarflokksins hófst í morgun. Í dag verður meðal annars tekist á um Evrópumálin en fyrir liggur tillaga um flokkurinn styðji aðildarviðræður.

16. janúar 2009 12:17

Forræði yfir auðlindum - aðildarviðræður við ESB

Lagt er til að Ísland sæki um aðild að Evrópusambandinu í ályktunardrögum sem verða lögð fyrir flokksþing Framsóknarflokksins sem hefst á föstudaginn. Einnig eru sett fram markmið í aðildarviðræðum í drögunum og eru fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum.

14. janúar 2009 19:39

Formaður líklegast kosinn í tveimur umferðum

Frekar er búist við að kjósa verði í tveimur umferðum um embætti formanns Framsóknarflokksins, en kosning hefst á flokksþingi hans klukkan tólf á hádegi.

18. janúar 2009 09:36

Kosið aftur milli Sigmundar og Höskuldar - Páll dottinn út

Sigmundur Davíð Gunnlaugsson varð efstur í fyrri umferð í kjöri til formanns Framsóknarflokksins. Kjósa þarf aftur á milli hans og Höskuldar Þórhallssonar. Sigmundur Davíð hlaut 40,9% atkvæða, Höskuldur hlaut 37,9%, en Páll Magnússon hlaut 18,9%.

18. janúar 2009 14:16